PRE-MEMBERSHIP SEMINAR
Kini nga seminar pagatambongan sa mga gusto magpa-meyimbro sa BANELCO sa dili pa aprobahan ang ila aplikasyon ug sa dili pa pasigaon ang ila instalasyon ug niadtong mga miyembro nga naputlan sa ilang serbisyo sa koryente sulod sa makatulo ka higayon.
GUARANTEE DEPOSIT ON KWHR METERS
Kini alang sa mga bag-o nga magpataod sa kuryente nga temporaryo lamang ug kadtong layo sa main line nga magkinahanglan ug check meter.
READING, BILLING AND COLLECTION
Ang pagpamasa sa mga kuntador (meter reading) regular nga pagahimo-on matag bulan. Human sa pagpamasa sa mga kuntador, himo-on dayon ang mga electric bills ug unya ang pagpanghatag sa mga bills sa mga konsumidor (distribution). Diha sa pagpanghatag sa mga bills.Adunay 9 ka adlaw nga lugway nga mao na ang deadline or due date sa bayranan. Apan kung dili dayon siya makabayad human mulabay ang 9 ka adlaw nga lugway aduna nay madugang nga 11.20 pesos (apil na ang VAT nga 12%) .
TEMPORARY LIGHTING CONNECTION & SPECIAL LIGHTING PERMIT
Kini mahitungod sa temporaryo nga paggamit sa kuryente. Ang “temporary lighting connection” aduna’y kaugalingong kuntador . Ang permiso mahitungod niining maong pagpasiga adto hikayon sa inyong Municipal Engineering Office ug dad-on sa opisina sa BANELCO ang maong mga papeles nga kompleto na.
ANG RESPONSIBILIDAD SA LINEMAN UG BARANGAY ELECTRICIAN
Ang responsibilidad sa atong mga lineman gikan lamang sa kuntador ngadto na sa service drop wires ug linya sa poste. Ang trabaho mahitungod sa linya gikan sa kuntador ngadto na sa sulod sa balay iyaha na sa barangay electrician. Sa ato pa, kung ang diperensiya anaa sa sulod sa balay, ang tawagon nato mao ang barangay electrician. Tungod kay ang mga barangay electrician walay suweldo, kinahanglan suholan gayud sila matag trabaho.
