Kasagarang Pangutana(FAQ)

UNSA ANG  ELECTRIC COOPERATIVE?

Ang “electric cooperative” usa ka patigayon sa serbisyo kansang capital wala bahin-bahina sa mga “stocks” (non-stocks) ,kansang tuyo dili ang pagpaganansiya (non-profit) ,gipanag-iya sa mga miyembro (member-owned) ug gihimo aron sa pag-alagad pinaagi sa paghatag og maayo ug kasaligang serbisyo sa koryente sa makatarunganong presyo.

UNSA ANG MGA KINA-IYAHAN SA USA KA “ELECTRIC COOPERATIVE?

  • “non-stock”
  • gipanag-iya sa mga miyembro
  • “non-profit”
  • gi-kontrolar sa mga miyembro
  • demokratikanhong pamaagi sa pagpadagan
  • “non-politikal”

UNSA ANG MGA KATUNGDANAN SA MGA MIYEMBRO SA KOOPERATIBA ?

  1.  Pagpili sa labing maayo nga mahimong sakop sa Hunta Direktiba.
  2. Pagpanalipod sa mga kabtangan sa kooperatiba sama sa mga poste, mga linya sa koryente, kundador, og uban pa.
  3. Pagbayad sa bayranan sa kuryente sa tukmang panahon.
  4. Pagtaho sa buhatan sa kooperatiba sa mga kadaut sa mga kabtangan sa kooparatiba.
  5. Pagtaho sa buhatan sa kooperatiba sa mga illegal nga mga buhat mahitungod sa koryente.

UNSA ANG AKTA REPUBLIKA N0. 7832 ?

Kini usa ka balaod nga gi-aprobahan sa Presidente sa Pilipinas kaniadtong Disyembre 08, 1994 diin gideklarar nga supak sa balaod ang pipila ka buhat nga may kalabutan sa pagpangawat sa koryente ug mga materyales ug kagamitan sa serbisyo sa koryente. Kini nga balaod gipatuman sugod niadtong Enero 15, 1995.

Ubos sa republic Act. 7832. o “Anti-Electricity and Transmission Lines/Materials Pilferage Act of 1994”, ang pagpangawat sa koryente karon, usa na ka DAKU NGA SALAUD.

Sa pagpasipala sa kuntador (kwhr meter tampering), paggamit sa dili tinuod o “fake” nga selyo sa ERB ug BANELCO, ug paggamit sa ubang kahimanan aron pagpangawat ug koryente;

  • PRISON MAYOR – pagkabilanggo gikan sa unom (6) ka tuig ug usa ka adlaw ngadto sa dose (12) ka tuig o multa nga napulo ka libo ka pesos (10,000.00) ngadto sa kawha-an ka libo ka pesos (P20,000.00) o ang duha ba hinoon, pagkabilanggo ug multa, depende sa desisyon sa hukmanan.
  • Pagbayad sa na bana-bana nga kantidad sa nakawkaw nga koryente, apil na ang pagpahamtang og bug-at nga multa hangtud sa siyento porsiyento (100%).
  • Sa pagpangawat sa linya ug materyales sa koryente:
  • RECLUSION TEMPORAL – pagkabilanggo gikan sa dose (12) ka tuig ug usa (1) ka adlaw ngadto sa kawha-an (20) ka tuig o multa gikan sa kalim-an ka libo ka pesos (P50,000.00) ngadto sa usa ka gatos ka libo ka pesos (100,000.00) o ang duha ba hino-on, pagkabilanggo ug multa, depende sa desisyon sa hukuman.

UNSA NGA MGA BUHAT ANG GIDILI SA MAONG BALAOD?

A. PAGKAWAT SA KORYENTE:

  • ILLEGAL CONNECTION – pagsumpay o paghimo sa bisan unsa nga koneksyon sa mga linya sa electrisidad nga walay pagtugot gikan sa BANELCO.
  • DIRECT CONNECTION – pagsumpay o paghimo sa bisan unsa nga koneksyon sa linya sa usa ka konsumidor o gikan sa BANELCO nga walay pagtugot gikan sa maong konsumidor o gikan sa BANELCO.
  • TAMPERED METER – paghilabot, pagtaod o paggamit sa bisan unsa nga butang nga makadaut sa pagrehistro sa konsumo sa elektrisidad o mao’y hinungdan sa pagkausik sa koryente sa pagkawat niini.
  • JUMPER – paguba o pagdaut sa metro, alambre o conduit diin ini nga buhat moresulta sa dili pagrehistro sa tanang konsumo diha sa metro.
  • OTHER DEVICES OR METHODS OF STEALING ELECTRICITY

B. PAGPANGAWAT SA LINYA O   MATERYALES SA KORYENTE:

  • Pagputol, pag-gabas, pagkuha sa mga linya sa koryente gikan sa mga poste.
  • Pagkuha ,pagdala ug pagbalhin sa maong mga linya o metro sa koryente gikan sa nahimotangan niini.
  • Pagtago, pag-angkon o pagbutang ubos sa inyong gahum sa mga materyales o metro.
  • Pagkarga, pagdala o pagbalhin gikan sa usa ka lugar ngadto sa lain nga lugar.

UNSAY TIMA-ILHAN SA ILLEGAL NGA PAGGAMIT SA KORYENTE?

  • Buslot sa bildo nga taklob sa metro o bisan unsa nga parte sa metro.
  • Bisan unsa nga elemento sa sulod sa metro sama sa asin o asukal nga mao’y hinungdan sa dili husto nga pagrehistro sa konsumo.
  • Bisan unsa nga wiring connection nga mahimong hinungdan sa dili normal nga pagdagan sa metro.
  • Guba, da-ut o gihilabtan nga selyo sa metro.
  • Pagdaut, pag-usab, pagsumpay, pagputol o paghilabut sa bisan unsa nga instumento sa koryente, transformer ug mga aksesorya niini.
  • Pagguba sa bisan unsa nga bahin sa kahon diin gibutang ang metro o mga aksesorya niini.
  • Pagdawat sa kuwarta o bisan unsa nga butang nga adunay kantidad sa bisan kinsa nga kawani o opisyal sa electric cooperative o pag-tanyag sa maong kantidad ngadto sa kanwani o opisyal sa katuyuan nga dili ireport ang illegal nga buhat nga gilista sa ibabaw.